SALETIO

SALETIO

magni quondam nominis oppid. German. superior. apud Rhenum fluv. in Alsatia. Saliso, Amm. Marcellin. l. 16. ut vult Simlerus, sed situm repugnare dicit Valesius: Saloissa castrum Fredegario, Chron. l. 5. c. 37. In Annalibus rerum Francicat. Salossa, et Salussa, ubi Karolomannus cum matre sua Berta colloquium habuit, A. C. 770. inter Argentoratum ad meridiem, et Spiram ad Boream a Vormatia 38. mill. pass. secundum Aethicum, vel 41. secundum tabulam Peutingerianamk. Hîc monasterium condidit Adalheidis Augusta, quod a Wilderaldo Argentino Episcopo consecrari iussit, sub Ottone III. nepote suo, urbemque decrevit fieri sub libertate Romana, ut loquitur Odilo Abbas in vita Adelheidis. Positum est ad Saletionis fluv. unde ei nomen, et Rheni confluentem. Sub Electore Palatino. Seltz Rhenano: a Gallis in cineres redactum A. C. 1675. Plura, apud B. Rhenanum Rerum Germ. Nov-Antiqq. l. 3. cum Notis Ottonis ICti. p. 615.